必學！令佢愛死你的接吻技巧

雖然你唔識星爺嘅「巴黎鐵塔反轉再反轉」，但你都可以製造一個難忘嘅kiss，令男友回味無窮，以下有個step-by-step嘅解說，想做個接吻達人嘅你就要留意一下！

基本功：

根據統計，有90％嘅男生根本唔知你想佢哋鍚你。不過，你唔使因為急於接吻而感到有壓力，最緊要係自己覺得舒服。當你準備就緒想佢鍚你時，你可以不經意地靠近佢，例如傾偈時幫佢撥一下頭髮，或者拍拍佢手臂，然後望住佢雙眼，跟住就kiss！

側側頭避免鼻撞鼻，然後將嘴唇輕按喺佢嘅上唇或下唇上，似鍚BB額頭咁鍚佢。如果你想嘅話，亦可以微微張開嘴唇，然後以舒服嘅節奏輕柔地將嘴唇開同合，之後就係French Kiss（濕吻）！

呢啲都無特定嘅正確做法，你可以利用舌頭喺佢嘅舌頭附近輕輕地打圈，舌頭嘅大部分神經線都喺舌尖，所以你唔使大動作。如果佢嘅舌頭動作過激，只需輕輕咬佢一下，頭部向後少少令自己更舒服，咁佢就會明白但又唔會破壞氣氛。如果想吻得更激烈，可輕咬佢嘅嘴唇或者將你嘅嘴唇用力壓喺佢嘅唇上。若覺得差唔多，可減慢舌頭動作，將舌頭退回，合上嘴巴繼續鍚佢。你亦可以轉移鍚佢塊面或頸，但記得要輕輕力，唔好留下吻痕，費事俾人笑。

手部動作：

你想kiss得更激？可用雙手輔助。雖然只需要將手放喺佢胸膛上，或者攬住佢條腰已經好好，但想再激啲，可以試試以下其中一項（或幾項）：

．將你嘅手喺佢背部上下移動，用指甲搔佢條頸，輕輕摸佢耳仔（耳朵佈滿神經線）。
．喺吻得激烈時（又或者相反吻得停滯不前，想回復熾熱時），同佢十指緊扣。
．用指節沿住佢下巴輪廓移動。你都可以靠住牆，用手指穿過佢皮帶圈，將佢拉向你，邊個夠你鬼馬:)！

加分動作：

當你已經成為接吻達人，你可以試試一啲新招打破悶局。

1.移近佢，扮你要鍚佢咁，然後講個笑話，嘴唇喺你說話時會碰到佢嘴唇，輕輕挑逗佢。

2.叫佢企定定1分鐘，任你鍾意點鍚佢都得。

3.將你雙腳喺地毯上來回摩擦，接吻時用靜電電一電佢（這招在冬天尤其適用）。