哥哥三人行Chilam靚靚難忘

張國榮（哥哥）辭世10年，圈中好友對他的寵愛與思念與日俱增，張智霖難忘與老婆袁詠儀及哥哥「三人行」牽手睇戲的溫馨時光，張學友則添置戰衣為哥哥站台。哥哥留下的一點一滴，教人唏噓不已。

哥哥紀念演唱會《繼續寵愛．十年．音樂會》前晚在紅館舉行，邀得不少紅星演唱哥哥經典金曲，有份站台的張智霖（Chilam）昨日飛抵北京拍戲。據悉，他近日受鼻敏感影響，故有感演出未達理想。談到與哥哥之間的軼事，Chilam說：「記得佢同阿靚（袁詠儀）拍完《金枝玉葉》後，電影上映時我哋三個偷偷哋買飛睇番套戲，仲要趁熄晒燈先入場。阿靚坐中間分別拖住我哋一人一隻手，感覺好溫馨！」年前Chilam接演《白髮魔女傳》，外界拿他與哥哥比較，哥哥竟洞悉他的心情，主動來電問候：「你唔好理人哋講乜，唔需要比較，最緊要做好自己！」而靚靚接受電台訪問時，讓囝囝慕童（魔童）隔空向哥哥說：「Uncle Leslie你喺邊？I Miss You！」

前晚的紀念騷空前成功，身為搞手的哥哥經理人陳淑芬，完騷後帶領一眾歌手與記者見面。她鞠躬向歌手道謝：「多謝大家送畀哥哥嘅禮物，希望佢開心收到。大家都做得好好，只係我製作方面有瑕疵，好唔舒服。Leslie你可以放心去享受你嘅假期，有時間就發訊息畀我，等我忙完手頭上嘅工作，遲啲都會去Join你。」

學友短褲涼鞋扮哥哥

學友則一改形象，以紅衫黑短褲再加露趾涼鞋亮相，他直言是出動私伙衫，特意仿照哥哥平日的打扮。而與哥哥私交甚篤的莫文蔚，穿上由韓籍設計師Lie Sang Bong以人手縫製千隻蝴蝶形狀幻彩片的晚裝亮相，同樣在衣飾方面向哥哥表達思念。

影視組

Chilam難忘與靚靚和哥哥偷偷到戲院睇戲的溫馨場面。

哥哥在《金枝玉葉》中與靚靚飾演戀人，咀戲自然唔少得。

螢幕播放哥哥獻唱的片段，與莫文蔚隔空對唱。

陳慧琳勁歌熱舞，演繹哥哥的Hit爆快歌。

張學友

太極Jam歌向哥哥致敬。

在台下欣賞表演的劉嘉玲不時和唱。

陳淑芬（左）與參演紀念音樂會的歌手齊齊見記者。