風爛

--------"風爛"日記---------------
這幾天都皮膚敏感
原來是生"風爛"呀.......>_<
HELP!!!痕死我啦!!
我第一次生"風爛"架咋!!
因為咁, 我問過各界人士的意見, 得到以下資料：

●"風爛"的成因
1. 睡眠不足
2. 接觸到某樣東西而敏感
3. 對食物敏感
4. 吹到風 (?????)
5. 天氣轉變
6. 身體有毒

●對付的方法
1. 搽藥膏
2. 先看西醫使"風爛"消失後才睇中醫調理身體
3. 倒2匙砂糖落鑊開火溶左d 砂糖，再加半碗水，飲左可以快d退d "風爛"
4. 睇西醫可以食藥或打針
原來"風爛"是一種濕毒，所以一定唔可以食d 濕冷野

●禁食
1. 芒果, 菠羅等勁濕的生果
2. 海鮮如蝦, 蟹
3. 雞蛋
4. 凍飲, 連汽水都唔得
5. 其他(唔記得啦)
生"風爛"會使皮膚好痕，但應該唔好"抓"的
但實在太痕了!!!!唔抓唔得!!!我成日都忍唔住狂抓!!
試過一日落出街時右腳掌3處同時超痕，左腳掌3處同時超痕!!
一連6處超痕!!!!!在公眾場所又唔可以即刻除鞋除襪抓!!!
我個時痕到真的想斬左對腳....=_=

原來生"風爛"可以知一個日身體狀況!!!某日的對話：

A君：你之前冇生過"風爛"咩?
我：冇呀，我之前冇生過"風爛"

A君：嘩，你身體好好wor，未生過
我：咁我而家生又代表咩?

A君：即係你而家身體唔好囉!!!
我：................皮
但係我好奇怪自己點解會生"風爛"
因為一星期我先發燒+扁桃腺發炎
好明顯我係熱底，點會一星期就變左濕底??
我仲要連水泡都生埋
好明顯我而家係勁濕底.....
好驚呀.....冇啦啦熱底變濕底
仲有我成日覺得係我間房太多塵(or 裝修天花板上的白灰粉)可先搞到我生"風爛"
所以我進行左房間大掃除
用一比九十九清潔
我連客廳飯廳廁所都清潔埋
嘩~~~~~好多塵呀!!!!!!!!!
係我大掃除間找到這張紙
我係到記低番就丟架啦....