鄧萃雯擔心苟姑娘

鄧萃雯、陳豪及伍詠薇昨日宣傳新劇《金枝慾孽貳》，因捲入郭富城與熊黛林分手而被斥「小三」的苟芸慧，疑不堪壓力缺席，對於網民發起罷睇同劇演員苟芸慧的新劇，雯女說：「好無聊！收視好閒，我擔心佢個人。（佢為乜缺席？）可能怕被攞嚟做話題，我唔知內情，但一段感情唔只一個第三者，郭富城都唔完全表態，仲好輕鬆咁，我覺得苟芸慧應該唔關事。（熊黛林矛頭指向佢？）任何事應該由男人講，有乜理由女人爭住講？冇人有資格講嘢！苟芸慧份人好純。」

伍姑娘說：「我同苟芸慧都Friend，觀眾點諗我唔理，我支持同信任佢。（昔日好友陳山聰同何超雲離離合合？）No Comment！（點解咁好笑？）我笑係套劇出街，我同佢好耐冇聯絡。」

陳豪則被爆出埠探女友陳茵媺班，他說：「我應承咗探佢。（帶乜去？）唔講得。（再去？）怕佢分心，等佢專心啲拍嘢。」他又說：「我唔知蔡少芬生咗，會短訊恭喜佢。」蔡少芬透過電話與各人分享近況：「我都知陳豪唔留意我，證明我哋冇路！」

雯女與陳豪即場晒演技搞氣氛。

黃德斌抱起伍姑娘，簡慕華在旁推波助瀾。

伍姑娘（右起）黃德斌、雯女及陳豪分享拍劇經歷。