富商趙世曾一直不接受女兒趙式芝（Gigi）與另一半波爾錶太子女楊如芯（Sean）的同性婚姻，前晚三人罕有同場出席，到文化中心欣賞音樂劇，較先到場的Gigi和Sean表示知悉父親出席，問到若父親與Sean見面是否OK？Gigi說:「唔知呀！OK啩！（三個人試過同枱食飯未？）未呀！將來有機會嘅！（爹哋仲未接受佢？）未主動約。（今次特登約埋一齊睇？）係大會請，而且爹哋鍾意睇唔同嘅騷。（三人同場令關係踏進一大步？）香港唔係好大，應該多機會同場。」
而Gigi和Sean進場後不久，趙世曾亦與一名長髮索女到場，雖然他稱對方是「秘書」，但見女伴掹衫尾，又主動拖趙世曾的手。問到知否Gigi與Sean在場內？他說：「唔知。（係咪一齊坐？）大會安排，應該唔會。（Gigi想約你同阿Sean三人食飯？）唔知！（仲未接受？）我唔識佢o架！（你個招婿計劃點？）你哋問Gigi，唔係我招婿，係佢招呀！」記者昨日致電Sean，她承認場內有跟趙生見面及打招呼：「冇乜嘢，OK！」
趙式芝（右）與Sean出席活動，並承認有與父親見面。
趙世曾（右）
沒有留言:
張貼留言