羅敏莊囡囡見唐寧擰歪面

陳禛被唐寧抱即擰歪面，Mimi及陳國邦則掛住笑。

藝人羅敏莊（Mimi）昨日偕老公陳國邦及女兒陳禛出席《齊撐快樂一家人2013》雨傘繪畫活動，同場的唐寧手抱陳禛時，BB即擰歪面，似乎有點害怕。Mimi表示囡囡可能因為剛睡醒及怕「生保」：「佢對陌生人，尤其唔熟嘅掂佢會唔鍾意，但熟咗同佢玩一陣，你掂佢就乜都得，佢個性慢熱啲。」問到囡囡是否容易湊？她說：「幾易湊，我哋工作時會交畀媽咪湊，各方面都唔太辛苦。我知有啲BB大個仲食緊夜奶，陳禛個幾月就戒咗，一覺瞓天光。」