梁烈唯早前遭黃浩入稟控告誹謗，不少人都表示會支持他，前日陳百祥（阿叻）與黃杏秀及戚美珍等茶敍時坦言會力撐唯唯，阿叻表示願意借錢全力支持唯唯打官司。不過，其實無綫上下都對唯唯甚表支持，法律上更是100%支持他。記者昨日致電給阿叻，他坦言已與無綫高層樂易玲及李寶安傾過：「總之無綫法律上係會力撐唯唯，樂易玲、李寶安都知道，佢哋都認同我嘅睇法，藝員冇話分大、細。」他又坦言無綫律師正幫唯唯處理事件：「如果額外要打咪即管嚟囉！大家點都會撐佢。」提到有位無綫「超級高層」力撐唯唯，阿叻說：「咁你都收到風！咁即係上面都嬲啦！（係咪陳國強？）係邊個我一定唔可以講，啲細唔識以為佢（黃浩）有把炮，我又睇唔到佢有乜把炮，最緊要講道理吖嘛！（『超級高層』都感震怒？）梗係唔開心啦！我哋同志偉全部都係TVB人，咁樣搞我哋。」
王晶加入戰團
無綫集團總經理李寶安表示凡旗下藝人如遇到麻煩，公司有責任要保護及支持，問到唯唯有否向無綫求助？他說：「保護藝人係無綫嘅公司政策，我只係透過藝員部同事知道佢有麻煩事，梁烈唯唔需要自己出聲求助，我哋都有責任去幫助佢。」據知，今日無綫將會就此事召開高層會議，而樂易玲至截稿前仍未回覆。
早前唯唯在王晶的電影中飾演「山雞」，昨日王晶在微博發文：「幾十人媽叉過佢，就揀一個以為人哋冇錢打官司嘅嚟告，真××，山雞大把人撐！佢後台係洪興同TVB呀！×腸！」
獲支持感開心
至於當事人唯唯昨日在電台接受訪問時被問到此事，他坦言任何人支持他都感開心，更似有所指的說：「仲有一啲唔可以公開而又支持我嘅朋友，多謝佢哋咁錫我！（叻哥借錢畀你打官司？）希望唔使去到咁嚴重，感激叻哥，佢係正義之士。」而前晚唯唯在飯局中被問到是否有電影公司負責人為他出聲而感到鬆一口氣，他當上了一課，希望新一年、新開始：「最緊要大家心平氣和、和和諧諧。」
另一邊廂，黃浩昨日與太太徐淑敏及黑人保鏢於下午二時許從大埔寓所外出，座駕駛至科學園時，黃浩落車叫記者不要跟，當記者問到阿叻聲言願意借錢協助唯唯打官司、有電影公司負責人大肆批評他，並指他不是于莉表弟等問題時，他即耍手擰頭、不發一言，再問他會否控告電影公司負責人，他都沒有回應。
唯唯獲不少支持甜在心，笑得燦爛。
黃浩對記者提問不發一言，而車上的徐淑敏更擰歪面「冇眼睇」！
黃浩一度落車叫記者不要跟他。
徐淑敏戴上太陽眼鏡下車頭耷耷走人。
沒有留言:
張貼留言