蒲進拒上堂被炒嗌自由

亞視藝人蒲進昨日終於成為第五個因拒絕上亞視「演藝訓練課程」而被炒的藝人，他表示：「亞視今日（即昨日）叫我返去拎解僱信，我係自由身啦！（尾糧幾時出？）傾好咗會寄畀我，呢樣我唔擔心。（對未來工作前景樂觀？）冇諗，依家想先靜一靜，沉澱一下先。」

此外，冬至日被炒的戚黛黛、張啟樂（Ben）、車車（張紫櫻）及陳綺雯（Aki），昨日約齊返亞視領取尾糧，阿Ben更拖篋返亞視收拾細軟，黛黛離開時說：「我哋返嚟攞番應得嘅嘢。（ATV出埋即炒代通知金？）合約內容唔方便講。（被炒對你影響大？）梗係大，冇咗份底薪，好在我農曆新年前後有好多商場騷。（筱靖爆底薪只七千！）我多過佢！」而早前稱返亞視拎信，遭不禮貌對待的Aki則說：「可能報紙登咗，佢哋態度有改善。」

• 蒲進