戚美珍昨日50歲生日,苗僑偉連環咀三嫂

戚美珍昨日50歲生日，老公苗僑偉前晚舉行派對，廣邀圈中好友，適逢當日是201314（意指「愛你一生一世」）的浪漫日子，難怪三嫂大讚三哥安排周詳！二人還應要求連咀幾次，溫馨非常！

苗僑偉（三哥）與戚美珍（三嫂）乃圈中模範夫妻，前晚三哥在馬會為昨日50歲生日的太太舉行派對。除了他們一家四口，不少圈中好友如陳百祥（阿叻）、洪金寶、蔡一傑、馬德鐘、梁烈唯、周家蔚、胡定欣及江欣燕夫婦等也有出席。三哥透露原意為太太舉行神秘派對，豈料身邊朋友陸續「穿煲」。

談到派對主題，三哥除慶祝太太的生日，更要紀念結婚22周年：「今日仲要係1314（一生一世）嘅日子，係咁啱撞正囉！今晚我仲會安排神秘節目。」老公如此識做，三嫂自然甜在心頭：「真係好周詳同精密，知佢同仔女一齊安排，好神秘！有時三仔爺出去，留我一個喺屋企（生日願望呢!）希望全家人身體健康，身邊朋友健康同順利。」三哥則希望社會和諧，娛樂圈少一點是非。及後他在徇眾要求下吻賀三嫂，更咀足幾次。

阿叻撐「屋企人」唯唯

與三哥乃「老契」關係的阿叻帶同紅、白酒及威士忌到賀，問到老友曾志偉會否到場？他笑指對方與三哥是絕佳朋友，定必會現身，又回應志偉與黃浩的事件：「志偉成日做善事，見義勇為，其實唔使撐佢，關佢咩事呀！唯唯又畀人搞，咁我同譚詠麟都有講啦！啲人對號入座，娛樂新聞評論唔得咩，係要搵個最弱嘅冇錢打官司，我同樂易玲、李寶安講冇理由唔幫，做得TVB就係一家人，道理喺我哋呢邊，講嘢都唔准？特首都鬧得啦！佢大過特首咩？」

影視組

三哥吻賀太太，三嫂明顯非常受落！

阿叻指唯唯是TVB的藝人，絕對是他的家人，一於撐到底！

一家人精心炮製神秘生日會，三嫂肯定非常感動！