為宣傳新片《西遊．降魔篇》，導演周星馳在記者會上有問有答，當被問到與于文鳳分手後被追7,000萬港元佣金而鬧上法庭、二人的關係、會否感到Hurt及會否庭外和解等問題時，他雖然點頭回應，但口裏卻說：「冇冇冇，呢啲唔講喇！呢啲點會喺呢度講呢。（影響宣傳心情？）呢啲好閒啫！（為錢分手？）都話咗唔會同你哋講，你係都要問嘅？」
揚言同王晶唔熟
問到感情狀況，他即借舒淇過橋，望着對方說：「舒小姐！」記者指舒淇傳已名花有主，同樣叫Stephen（馮德倫），周星馳即說：「乜你名花有主喇咩？」舒淇只甜笑未有否認。至於是否受到星爺追求，她則笑說：「呢啲嘢點會喺度講，唔會話畀你哋聽。」而過往曾與周星馳合作的女星，大多反面收場，問到會否擔心與周星馳合作後會遇上同樣情況，舒淇詐傻扮懵說：「唔明你哋問乜？」
曾與周星馳合作的王晶，早前受訪時表示對方愛錢多過電影，周星馳聞言反問：「幾時？冇呢啲嘢。錢其實係鍾意嘅，不過電影呢，我認為一定要拍得好先有錢嘅，冇得求其拍部電影就會有。」對於王晶指與他再合作機會微，他說：「我冇興趣回應。（王晶諸事八卦？）同佢唔熟，唔評論。」
此外他又表示未有留意賀歲港產片，問到會否有壓力，他說：「冇，我以前成日賀歲o架。」有傳他不再以演員身份演出，他指其實在《西》片有一個特技化妝的亮相，並笑說：「拍攝時舒淇成日叫我演番幕前，多謝舒淇鼓勵我，令我自信曾經返嚟一陣，但羅志祥出現令我又跌入海底。」
舒淇甘於被周星馳利用，並多次做趣致表情配合。
談到與于文鳳的錢銀官司時，周星馳即轉話題。
于文鳳
周星馳在小豬配合下為舒淇戴上金剛箍。
沒有留言:
張貼留言