七料影帝張家輝早前手指尾骨折受傷後停工休養，適逢愛妻關詠荷重回TVB拍新劇《情逆三世緣》，張家輝亦樂得做湊女公。元旦日下午，他出動落地年半、價值約260萬元的黑色林寶堅尼辣跑，接囡囡Brittany往數碼港參加大型嘉年華會。
本月底7歲的Brittany，甫到達即興奮得紮紮跳，拖住爸爸逐個遊樂設施排隊，不一會已玩到滿頭大汗，脫下羽絨褸和頸巾，順手交給爸爸。一向做慣主角、出入有助手陪的家輝，縱然手指有傷，仍一手揸住蒸餾水，一手拿着囡囡的一大堆衫。下午4時許，家輝陪囡囡玩晒全場遊戲設施，兩父女手拖手離開，玩到盡興的Brittany面珠紅卜卜，雀躍地邊行邊跳，不停跟爸爸分享玩耍樂事，看見囡囡如此開心，做足一日「阿四」的家輝自然是一臉滿足。
寶貝女坐車頭伴實
家輝拖實囡囡直往酒店停車場取車，其後發現記者，他友善地揮手說：「今日比較得閒咪帶個女嚟玩囉！」趁爸爸取車時，Brittany一臉好奇地望向記者，並學足爸爸向記者揮手，相當有禮貌。家輝取回其林寶堅尼後，在職員陪同下，先安排囡囡上車，幫她繫好安全帶，才返回司機位，年紀小小的Brittany坐在辣跑車頭，暫代媽媽關詠荷的位置，有型有款地由爸爸接載離開。
Brittany與爸爸十足餅印又精靈，難怪張家輝拖住囡囡笑得咁甜。
家輝（右）出動名貴辣跑接載囡囡，好威呀！
推門呢家嘢邊使心肝椗郁手o架！梗係老竇家輝做啦！
Brittany玩頂帽玩到笠住個頭，Cute爆！
手指尾仍需包紮的家輝幫囡囡拎褸，不過Brittany都勁叻識綁鞋帶o架！
沒有留言:
張貼留言