中環「財女」：ZARA衫啱返工

靚女買衫去邊間？
消費兩千
成小姐：比較鍾意行ZARA，因為佢哋產品質地幾好。每季都會去買衫兩次，每次消費最少二千元。

現有的快速時裝有不同的定位，相信不少粉絲引頸期待TOPSHOP開業。作為中環麗人、時富金融研究部副主管李韻儀表示，「H&M及ZARA來比較，ZARA嘅風格較啱返工」，她較多在ZARA購買服裝，估計每季花費約兩千元，而去H&M則會多買絲襪及配飾。

價錢合理
Emply：都有行H&M、FOREVER 21、ZARA，但比較鍾意H&M同FOREVER 21，因為價錢合理同款式都幾好。

款式唔錯
陶小姐：鍾意去H&M買衫，鍾意佢哋嘅連身裙，價錢可以應付，款式都唔錯。每次消費大約數百元。
等睇新舖
Toby：較多行H&M，因為佢哋多分店，成日有減價。見到TOPSHOP鋪天蓋地嘅宣傳，等佢開咗會去睇吓。

買衫為主
羅小姐：日常行ZARA比較多，因為啲衫啱返工着，大概一個星期行一次，主要係買衫為主。TOPSHOP開咗會行吓。

李韻儀表示，對TOPSHOP不甚認識，待其開業後都有興趣去「睇睇」。

李韻儀稱，對於這個英國品牌TOPSHOP的認識不多，而從其網站所顯示的資料，產品價錢屬適中，因此對該品牌亦感興趣。她補充，一個成功品牌最重要是有其獨特的吸引處，而令顧客有忠誠度，例如會員制度也是其中一種手法。

鄧聲興：本土品牌添壓

至於極少光顧快速時裝店的AMTD證券業務部總經理鄧聲興稱，在港的快速時裝品牌愈來愈多，對本港的本土品牌確構成壓力。

他認為，快速時裝已是市場大趨勢，但以女性市場較大，作為上班族的男性一般以正規服裝為主，因此他本身較少「幫襯」快速時裝店。

至於愈來愈多外國快速時裝品牌攻佔本港，他坦言，雖大家的市場定位不同，但難免為本土品牌帶來壓力。