鄧芷茵享受佗B開工

歌手鄧芷茵（June）自爆去年意外懷孕，速嫁有米圈外男友。雖然生活無憂，但準媽媽June坦言不甘於做少奶奶：「我覺得家庭同事業係冇衝突，兩者可以平衡。（老公支持？）我哋『撻着』都係因為唱歌，我哋仲錄咗首合唱歌喺結婚當日派畀人。」

現在腹大便便的她稱佗B工作感受良多：「有時出去做訪問，感覺到佢喺度踢，感受非常特別，好似有生命一齊工作咁。」她更透露「蛇B」的性別：「照超聲波時，醫生話BB兩隻腳中間冇嘢凸起，應該係女仔。」她又打趣說：「如果佢只係個『咕咕』細嘅男仔，希望大個唔會秋後算帳我爆佢嘅『小秘密』。」


鄧芷茵透露好大機會佗Ｂ女，並指產後會繼續工作。