添7磅4安士「岩石女」 羅嘉良開心到喊

50歲的羅嘉良再做爸爸，其38歲第二任妻子蘇岩於昨午為他開刀產女，重約7磅4安士，英文名Sela（以色列文，意指岩石），中文名則暫未決定。昨晨七時許，蘇岩在微博稱先敷面膜才入院產女，約十時，兩公婆手拖手到港島港安醫院待產，於中午時分，「單非婦」蘇岩於半麻醉及清醒狀態下剖腹產女，嘉良稱過程很順利。

不過，嘉良受訪後未有警覺H7N9的危險，便心急抱囡囡給傳媒拍照，又因忙於照鏡整頭髮而未有洗手，期間他更兩度錫囡囡面珠，父愛氾濫。他稱囡囡眼和嘴都似太太，而鼻就似他，問到剪臍帶時可有手震？他說：「好熟手，因為上次個仔（羅裕城）都係我剪。（擇時辰開刀？）冇擇吉時，只係唔想講時間，怕公開囡囡時辰八字啫！（感動？）好開心，我同老婆都有喊！（獎勵？）愛係最好！」

羅嘉良抱着剛出世的囡囡，又攬又錫。

羅嘉良昨晨陪老婆蘇岩入院待產。