佢犯咗最乞你憎嘅愛情罪行，係咪應該判佢「死刑」？喺叮佢出局之前，不如睇吓以下分析再作決定！
罪行1：同親班男仔fd一齊就唔理你
佢唔願意喺朋友面前表現出就晒你，唔代表佢唔鍚你，男仔都係愛面子的，你要衡量邊啲情況應該俾面子佢，邊啲情況應該同佢講返你唔開心。如果佢次次都係咁，而你又有同佢講過覺得被嚴重冷落，佢之後卻無氹返你或作出改善，你可能真係要諗下佢係咪唔重視你了。
罪行2：佢有時唔覆message
咁做係會令你唔開心，不過男生往往就係咁唔細心，唔好飛佢住，同佢講你想佢覆你而唔係ignore個message(但如果你個message好無聊另計，唔覆你都好正常)，睇吓佢有無改善再算。
罪行3：佢話要溫書，其實係同咗班fd去玩。
佢應該老實講出嚟而唔係講大話，可以俾次機會佢。如果無再犯，都仲可以keep得過。
罪行4：佢極度黐身
佢咁做有可能只係因為太鍾意你，咁係好事！但如果佢係因為自己無乜朋友，又無乜目標、個人嗜好，你真係需要同佢傾下佢生活無重心的問題，同時勇敢地話佢知你認為自己同佢都需要空間，俾啲時間佢慢慢建立自己的生活。
罪行6：佢唔記得你嘅生日，要提佢先記得。
雖然佢有唔啱，但都唔使判佢「死刑」嘅，因為男生通常喺記日子方面比較大頭蝦。俾次機會佢表示誠意啦！
罪行5：佢成日「踩」你
講笑玩吓同詆譭奚落係有分別的，如果一個男生在意你嘅感受，就唔會做出令你難受嘅事。如果佢只係一時間說話不懂分寸，你可以教訓吓佢。但如果佢係嗰種唔識尊重人嘅人，真心話你呢樣唔掂嗰樣唔得，你係時候同佢講bye bye！
罪行7：佢flirt你個fd，仲要係其他人話你知。
世上真係有啲咁嘅男生，响Facebook度撩自己女友啲朋友！簡直係大罪，即時飛佢，無謂浪費時間！
沒有留言:
張貼留言