準新娘人情有價 「少過500不要來」

【明報專訊】踏入結婚旺季，大家或者已經收到紅色炸彈，仲可能頭痕緊唔知畀幾多人情。不過，一個即將結婚嘅女仔好坦白，喺facebook向朋友講明唔收少過500蚊人情，「派帖前問你一句，要是真的給500人情就不要來了！」。

呢位準新娘話，因為喺高級酒店搞自助餐婚宴，仲話「有人真係畀得出500個下我真係絕交都似」。有自稱「貧友」的友人回應：「作為貧友的我……聽到您咁講真係有啲傷心。」

朋友「聽咁講傷心」

呢段對話畀人截圖後引起討論區熱話，有網民將佢嘅blog甚至結婚相都摷埋出嚟，連內地網民都加入，形容呢位準新娘係「要臉又怕蝕底」嘅社會典型。仲有網民好認真咁討論公價人情幾多。

Emily就覺得，出席朋友婚宴目的係恭賀一對新人，分享佢哋嘅喜悅，見證佢哋踏入人生新階段，人情係祝福，何必因喜慶事而講錢傷感情呢？