余文樂Kary傳撻着 王菀之：拍拖唔出奇

余文樂和吳雨霏（Kary）昨日被傳暗撻3個月，更被拍得情人節密會，阿樂帶Kary參觀他有意購入的赤柱豪宅，據知兩人現時不在港，他們所屬的公司，以及阿樂好友兼Kary過氣緋聞男友的周柏豪均口供一致：「冇回應。」

Kary閨中密友區文詩昨日受訪時說：「做姊妹唔會講對方嘅戀情，Kary想講就會講，如果係真都會講，我唔會刻意問佢！」歌手王菀之（Ivana）昨日出席電台活動，對於好友Kary傳新緋聞，她不以為奇，還說：「成日都影到o架啦！都影咗10幾個唔同人，Kary咁多人追，有拍拖唔出奇，但唔知邊個係真啫！」

而曾跟阿樂傳緋聞的性感女星王璐瑤（LuLu）寸嘴說：「佢啲Target幾廣泛，有模特兒又有歌手！」又指阿樂和Kary相熟，但不知「一齊咗」。

吳雨霏早前在紅館開演唱會，余文樂專誠到後台打氣支持。（資料圖片）

王璐瑤趁新正頭歎Spa洗走衰氣。

王菀之將與Kary等舉行音樂會。