羅敏莊顧住湊女冇外遊

陳國邦與太太羅敏莊（MiMi）日前難得撇低囡囡，相約友人中環歎茶。當日約下午三時許，夫婦倆離開餐廳，陳國邦即往室外地方吞雲吐霧。MiMi發現記者時友善揮手，問到新春有否外遊，她說：「冇，留喺度照顧BB，BB咳呀！可能天氣成日轉所以病。」兩人隨後十指緊扣往百貨公司，陳國邦幫太太孭手袋，遇見熟朋友即在袋內扲利是派，又幫手處理收據及拿戰利品。期間有Fans認出MiMi，亦熱情地打招呼。而陳國邦昨日於微博分享囡囡新相，一臉滿足，認真廿四孝老公兼老竇。

陳國邦拖實羅敏莊恩愛出巡，對愛妻全程照顧周到。