王維基慘食盛品儒檸檬邀合照被當透明

有「牙齒印」的盛品儒和王維基昨日出席團拜活動，同場有無綫高層鄭善強，三人全程「各有各玩」，王維基更慘食盛品儒檸檬被拒合照，大合照時又被「發配邊疆」坐在一旁，但他對發牌依然充滿信心！

昨日電台舉行新春團拜，獲十五家媒體高層畀面出席，同場還有歌手鍾一憲、麥貝夷、王梓軒及其經理人兼緋聞女友石祐珊。無綫總經理（電視廣播業務）鄭善強、亞視執行董事盛品儒和香港電視主席王維基更首度同場，成為全場焦點！早前盛品儒控告王維基盜取亞視機密，王維基又反告他誹謗，兩人昨日「冤家路窄」，自然被要求來張「世紀合照」，當王維基大方企定定等合照時，盛品儒即擰歪面「扮聾」，慘食檸檬的王維基惟有拍拍對方手臂打圓場，繼而冇癮走開，跟其他嘉賓繼續傾偈。

「恭喜發牌」爆笑

排排坐大合照時，鄭善強和盛品儒明顯獲優待坐正中間，未獲發牌的王維基坐在左側第二個位，排位明顯輸蝕，而同一陣線反對發牌的鄭善強和盛品儒亦未見有交流。

司儀又請眾人逐一講新年賀詞，王維基講完「恭喜發財」即被司儀取笑：「我聽到有人話『恭喜發牌』　！」引得全場爆笑，鄭善強亦笑不攏嘴，但盛品儒聽罷即笑唔出，面容繃緊！散場時，記者再次要求盛品儒和鄭善強合照，但盛品儒一聽到「影相」便頭也不回離去，反而鄭善強跟有線高層趙應春大方合照。剛好經過的王維基亦被邀請，但他笑笑口耍手擰頭：「唔好搞住人哋，費事人哋難做！」

其實一早到場受訪的王維基得知與鄭善強、盛品儒兩位高層同場時，表示可以「握吓手」，想不到最後竟慘食檸檬。他指發牌是政府責任，自己已交齊資料，有信心下月底便會發牌。問到會否請同業支持時，他無奈地說：「同業好友已經好支持，除咗嗰兩間免費電視台！在商言商係有矛盾，佢哋梗係想少啲競爭。」

承認有心迴避

而盛品儒昨晚透過電話訪問否認拒合照「冇風度」:「因為個活動就開始，王維基拍一拍我就走咗。（你有心避佢？）都會，始終亞視反對發牌，所以要避忌啲！」

音樂組

盛品儒「扮聾」拒合照，王維基惟有伸手拍拍對方掩飾尷尬。（設計對白）

（設計對白）

鍾一憲及麥貝夷透露今年利是大豐收！　

王維基與Uncle Ray合照，唔使食檸檬。