急救要快！打側身催吐 / 袁「醫生」收平安Call：佢話下次放腳趾

急救要快！打側身催吐

Bobby出事時反白眼及抽筋，關嘉美醫生表示若遇到以上情況，應將患者身體打側：「最緊要唔好平放，或者熊抱式咁令佢嘔番啲嘢出嚟。（用手指啱唔啱？）其實唔需要，一陣佢咬到手指流血，啲血入番食道仲危險！」對於Bobby揚言若非醒得快，有機會變植物人，關嘉美說：「變唔變植物人睇三樣嘢，急救快慢、患者底子好定差，同埋佢吞咗幾多嘢落肚！佢應該底子好，同唔係吞咗好多。」她指出若底子差，隨時有後遺症：「個肺會弱，腦同腎都會有事，講嘢會唔清楚。（變植物人？）咁當然機會大好多！」

------------------------------------------------------------

袁「醫生」收平安Call：佢話下次放腳趾

曾在劇集《On Call 36小時》飾演醫生的袁偉豪，今次勇救Bobby一命，可謂人生如戲！他昨日接受電話訪問時透露，年前考健身教練牌時學過心肺復甦，而Bobby出事時有點抽搐，情況很緊張！袁偉豪表示當時擔心Bobby抖不到氣，情急下放手指給他咬住，讓他可以呼吸，又曾為他扣喉，而對方亦有反應：「多嘅我都唔敢做，始終人命嚟o架！我哋都唔係飲咗好多酒，只係過年大家開心飲少少啫！Bobby有打番畀我，話冇事，佢仲識講笑，話下次救人唔好放手指，放腳趾喎！」

曾在劇集飾演醫生的袁偉豪，現實中亦救人一命，非常難得！

Bobby（左）與袁偉豪（右）在新劇中合作。