卿卿母逝世忍痛拍戲

葉玉卿母親在卿卿回港拍戲期間，不幸於本月九日下午二時於香港離世，享年89歲。卿卿接受本報專訪時說：「當日開完廿幾個鐘頭，跟住返到酒店中午十二點，沖完涼瞓覺唔到十分鐘就接到電話話媽咪急症已送入院，所以一直唔敢熄電話，醫院都叫我有心理準備。」

說到此處，卿卿不禁哭了：「但我無後悔今次接戲返香港呢個決定，因為先可以返香港咁長時間，可以陪到媽媽咁耐，拍戲以外全部時間都係陪媽媽，呢十六年來未試過畀到咁多時間媽媽。唯一少少辛苦，係媽媽去世後夜晚仍要開工，食安眠鎮靜劑先瞓到五、六個鐘，又要再去開工，我好proud of我自己，都做到，又冇話畀人聽，唔想影響全組人嘅心情。」她續說：「老公肯畀我返嚟，只係怕人亂講嘢，結果真係，到呢刻老公都冇埋怨過我，知道睇媽媽好重要，知我拍戲亦拍得好開心。」

• 卿卿談到母親時忍不住流淚。