一段感情結束了: 自責的破壞力！

一段感情結束了（不論愛情還是友情），無論過程係轟烈定平淡，「餘震」嘅威力其實仲值得留意。喺一眾「災後」情緒之中，「憤怒」可以話係最具破壞力，但都唔及「自責」咁糟糕。

對方離你而去，不論真正原因係咩，你潛意識裏難免會有「如果當初我再好啲，結果會唔會唔一樣？」嘅錯覺，呢種自我貶值嘅感覺，就係「自責」蠶食你心靈嘅結果。長此下去，只會令自己充滿負能量！

所以，一段關係完結之後，你不單止要學識原諒別人，仲要學識原諒自己 ─ 將自責嘅力量轉化成肯定自我嘅力量，學識喺下一段關係唔再犯同樣嘅錯！