湯唯飛港撐場父落淚

影星湯唯昨日專程來港捧父親的畫展場，兩父女即場感動落淚。遺傳了父親藝術天分的湯唯因演藝事業忙碌，以致未能將天賦加以運用和發揮，大嘆可惜。

湯唯昨日專程由哈爾濱飛返港，出席在《世界文化遺產》石窟繪畫界公認的藝術大師父親湯餘銘的畫展。正於哈爾濱拍攝新片《黃金時代》的她，是次特地向劇組請一日假，無非為能親自到場支持父親，活動後便立即飛返當地繼續工作。她透露當地天氣十分寒冷：「嗰度好凍，零下32℃。第一次去啲咁凍嘅地方，一出室外即刻凍到眼睫毛有水。」

於嘉賓致詞期間，湯父感動得激動落淚，坐在身旁的湯唯亦被感動得眼濕濕，她更表示是首次看到父親掉下男兒淚。湯唯指父親愛畫畫如命：「有時打畀爸爸問佢喺邊，佢話喺西藏幾個月，（為畫畫）唔覺辛苦。」中學時期曾習畫的湯唯，獲父親公開讚對色彩方面有天分，她即笑說：「吓，佢講你就信？係遺傳咗，但我冇認真去用囉！」她亦稱讚父親筆下的世界很清雅，畫中人很細小，令她感受到人類真的很渺小。

鄺美雲佛經交流

同場的鄺美雲大讚湯餘銘的畫作既莊嚴又能帶出歡喜的氣氛，她說：「睇完佢嘅畫會覺得安樂同平靜。自己有寫書法嘅習慣，同埋會抄經，會同佢交流一下佛經。」即使忙於打理珠寶店生意，鄺美雲亦會抽空到佛堂，問到會否沒時間陪男友，她笑說：「男友有一齊去。（逼佢？）信仰呢啲冇得逼，但佢之前係冇信仰。」

名人組

父親湯餘銘即席揮毫，湯唯當然站在一旁學嘢。

見父親感動落淚，湯唯即輕輕握其手臂安撫。

湯唯（左）於畫展上與鄺美雲碰頭。