57歲顧冠忠,陳靖允末日成婚

憑取代徐少強演《天蠶變》而走紅、現年57歲的前邵氏演員顧冠忠，與前亞視演員陳靖允結束15年愛情長跑，選擇於昨日「末日重生」共諧連理，並以佛教儀式行禮，由靖允契仔劉錫賢任司儀，顧冠忠與前妻所生的兒子也有出席，禮成後吻賀一對新人。新娘即席獻唱《月亮代表我的心》，她直言恨嫁但「當初諗唔到有呢日」，顧冠忠則說：「約會咗15年，舊年覺得點都要畀番個名分佢，決定唔令佢失望。」

婚禮儀式一切從簡，晚上舉行結婚派對，女方一眾舊同事包括麥景婷、袁文傑、夏春秋及圈中好友狄龍等均有到賀。談到相識及拍拖經過，顧冠忠說：「喺亞視識，後嚟喺長春重遇，嗰晚零下25度，我用電筒照路帶佢去洗手間，依依偎偎咪拍拖囉！」新娘子則笑言不記得這一段，但情深地說：「我哋多次離離合合，佢畀我嘅感覺好似洋葱咁，每撕開一層都會眼淚直流，希望搵到個方法唔會再喊。」

顧冠忠與陳靖允深情咀嘴。

陳靖允、顧冠忠與其前妻所生的兒子一家三口合照，非常Sweet！

夏春秋（右）與狄龍（左）現身恭賀顧冠忠做老襯。