私處的健康指標

女生嘅私處每每連女生自己都覺得神秘，一旦發現有古怪，就疑神疑鬼以為自己「有嘢」。唔使驚，以下將列出各種常見嘅女性生理情況，等難以啟齒嘅你有啲概念，唔使自己嚇自己！

	正常	不正常
外觀及感覺	每個女生的陰部(包括陰唇、陰蒂以及陰道口)睇落都唔一樣，陰唇的大小和厚度也因人而異。至於顏色則由淺粉紅色到朱古力色不等。而陰毛無論係疏或密，都係正常的。	．感到陰部痕癢、灼熱，或者出現泛紅及發炎等症狀。 ．小便頻密而且小便時感到刺痛。 ．你發現陰毛中有蚤子。
氣味	所有女生的陰道都會發出一啲氣味。你大概會驚被其他人察覺，但唔使擔心，喺正常情況下，其他人唔會留意到呢股氣味的。	．發出像酸麵包或發酵麵包糰的酸酸味道。 ．發出腥味。 ．氣味在非月經期間出現異常改變。
分泌物	陰部流出分泌物其實係陰道自我清潔嘅過程。喺生理周期嘅唔同階段，分泌物嘅流量及質地亦會有變。不過正常來說，分泌物都係黏黏的半透明白色液體，或是滑滑的透明液體。	．分泌物比正常黏稠，或是分泌量比正常為多。 ．分泌物呈灰色或奶白色，甚至係黃綠色。 ．分泌物內有像粉粒的粒狀物，或者出現氣泡。

如果發現有任何唔正常狀況，應該點算好？

唔正常狀況通常代表以下問題，不過最好唔好自己亂估，去婦科醫生處檢查係最好嘅方法。

陰部發出酸味或分泌物出現粒粒──通常代表陰道受酵母菌感染。
陰部發出腥味、出現紅腫，或分泌物異常──通常代表陰道受細菌感染。
小便頻密或小便時感到刺痛──可能患上尿道炎。
陰部生瘡、疼痛或者有蚤──可能患上由性交感染的疾病。

如果你患上以下病症的話：

尿道炎：醫生會開抗生素俾你服用，而病徵通常會喺服藥後12至24小時內消失。另外，有研究指出，多飲無糖嘅Cranberry Juice能有效預防尿道炎，所以不妨飲多啲！

性交感染疾病：你需要進行婦科檢查及/或驗血。你可以聯絡香港家庭計劃指導會，該會的青少年保健服務為26歲以下的未婚人士提供醫療諮詢、輔導、身體檢查及化驗服務。

酵母菌或陰道感染：醫生會開出塞藥丸或軟膏，塗或放喺陰道以清除感染。在治療期間，最好穿着棉質內褲，並避免穿着緊身褲，以免令感染惡化。

CG! Reminds U：

喺身體狀態良好嘅時候，不妨拎一塊鏡睇睇陰部嘅模樣，熟悉你嘅陰部結