繼年初的《愛情戀上癮》（Love & Other Drugs）和《枕邊冇情人》（No Strings Attached），又有一部先性後愛的荷里活愛情喜劇《戀搞好朋友》（Friends With Benefits）。衞道之士大概會哧之以鼻，不過各大電影公司唔怕觀眾悶以此密度並高調地起用當紅男女影星出演，證明有市有價。受觀眾歡迎的原因，極有可能係因為睇得有共鳴。之前就有調查指美國有超過一半單身男士曾與異性朋友「踩過界」，本地雖然沒有這類研究，但單單在網絡討論區上這類話題隨手拈來，就不難明白這種非一般友誼，其實相當普遍。
基本上，友誼波這種情況，一時衝動為大多數，完事後大家心知肚明唔想有下文。有趣係，以《愛情戀上癮》及《枕邊冇情人》為例，主角都係造造吓就愛咗，過程自然到理所當然咁。當然電影係要為觀眾製造驚喜，但當每部電影都係咁，除咗冇驚喜，觀者亦得小心被潛而默化地浪漫化了這種ONS或SP的關係。個人不否認，加深了解或相處後有撻著的機會，但一般情況下，「對唔住」這句話應該是聽得最多的對白。就算男方single & available，神女有心亦可以襄王無夢，如果唔係早已經出手追你，又何需兜咁大個圈去冒一個可能連朋友都做冇得做嘅險？企圖以性改變男人的想法，很多時都落得悲劇收場。如果只係因為責任或是「性」格而改變初衷，請容我刻薄啲講句：「睇你好得幾耐」。女人為男人的默默守候而感動大有人在，男人為著女人的痴痴苦等轉呔卻是萬中無一，皆因女人的感情可以培養出來，而大部份男人卻不是愛感動的動物，直觀的好感更為重要 (這裡不是指外表，亦可稱之為feel)。
如是者，打得友誼波，請先不要想太多。如男未婚女未嫁，open for consideration只適合雙方友誼已達到一個能互相信任了解的地步。如未能吻下來，豁出去，奉勸還是保持一定「距離」，精神上肉體上亦然。
沒有留言:
張貼留言