史提芬：A股快見底

【on.cc 東方互動 專訊】 太陽財經「Fundman睇市」專欄作者史提芬︰昨日A股二千點鋼鐵底，被要錢唔要貨的內地股民一踩穿，收市指數死貓彈，返到2,004點，跌25點收市，創下四十四個月新低。

通街都話A股平，但就日日有唔少賓架趕住去換眼鏡，到底隊到乜野位，相信是最多股民關心的一點。客觀而論，A股估值較過去十年兩次熊市低，刻下可能離真正低位不遠，尤其貨幣政策有充裕的放寬空間。而十八大盛傳下月中展開，憧憬中央有提振經濟措施公布，A股低位較大機會在月中之前或後出現。

前日人行出動史上最大規模的2,900億人仔逆回購，可惜人民幣拆息依然不為所動，在七個月高位徘徊。有芬佬話，即使人行逆回購不絕，但過去兩星期內地水緊情況卻是變本加厲，主要是粉飾季結，銀行資金供應變得緊張，不過過埋呢兩日應該有改善。按此推斷，最壞打算每日插1至2%，滬綜指都未必輕易到達淡友大摩的目標1,850點，但試穿2,000點，或者掂一掂1,900點的機會卻是存在。