梁詠琪 西班牙甜蜜之旅

梁詠琪（Gigi）與西班牙籍老公Sergio早前飛往西班牙歡度農曆新年，並在熱情又浪漫的異國共度情人節，Gigi更親自繪畫瓷磚紀念是次甜蜜之旅，又自爆長時間密集式進行造人大計，希望早日一擊即中。

 在Malaga街頭一偶。

　　Gigi與老公Sergio結婚一年半，兩口子每逢假期例必周遊列國，有影皆雙。農曆新年前夕，Gigi便跟隨老公飛到西班牙老家過年，逗留兩 星期，Gigi夫婦在好友帶領下，在西班牙南部體驗當地的風土人情，返港至今，Gigi的度假心情仍未減退，她興奮表示：「南部的人比起馬德里及巴塞隆拿 的人更加熱情，當地人時興用人手繪畫瓷磚，因為天氣熱，所以每家每戶都會在地上鋪瓷磚散熱，適逢當天是情人節，我們不想去一般的遊客區，又想過得特別一 些，所以就想到親自繪畫瓷磚留作紀念。」

Gigi在充滿熱情的西班牙歡度農曆新年及情人節。

　　Gigi和老公去到一間售賣紀念品的小店，向店主要求想親自繪畫瓷磚，沒料到店主一口答應，最令Gigi意外的是，店主竟拒絕收費，她說：「店主話幅畫唔係佢畫，所以唔收錢，仲叫我哋隔幾日返去攞製成品，真係好好人。」

生活簡單但開心

　　Gigi更自爆，當她聚精會神繪畫作品的時候，老公與店主原來有一些感性對話，她表示：「當地人失業率好高，店主因為失業，所以與太太返鄉下開 咗呢間店，雖然生意不太好，但每日都可以同家人一齊感到好開心，我老公講到好想喊，佢話結婚之後來到香港，都係希望每日同我一齊，生活簡單但好開心，我聽 到都好感動。」

　　感性又浪漫的Sergio之後帶Gigi吃了一頓溫馨的情人節大餐，又送了一束鮮花給太太，Gigi開心表示：「我同佢都有互送禮物，其實係互 相睇中心水物品，之後由對方畀錢。」Gigi此行特別帶同賀年糕點孝敬老爺奶奶，兩老大讚中國賀年食品非常美味。問到有否被催生BB？Gigi表示：「其 實一直都長時間進行中，順其自然啦，老公個細妹啱啱生完，老爺奶奶都好忙，要照顧孫仔。」