G.E.M.保豬拒絕林宥嘉

鄧紫棋（G.E.M.）與台灣歌手林宥嘉被指撻着三年，現年21歲的G.E.M.素來避談兩人的進展，適逢個唱即將開鑼，她昨日卻拋出處女論，表示經常「拒絕」林宥嘉，對於是否曾歷魚水之歡，竟面紅紅地說：「唔講，費事又話我拋隻豬出嚟！」暗示自己玉潔冰清。

近月圈中充斥處女話題，不少女藝人都以處女自居。自2010年暗撻林宥嘉後，G.E.M.曾暗示尚未經歷魚水之歡。下月於紅館開騷五場的她，昨日宣傳時談到對婚前性行為的看法，又「擺豬上枱」，暗認仍堅守貞節牌坊。

G.E.M.昨日到車房為個唱戰車噴油，身穿圓領Tee的她俯身拍照時，不經意輕露本錢，賣大包晒D Cup上圍，引發鎂光燈狂閃，她似乎不為意，拿着噴槍愈噴愈興奮。問到知否洩春光？她即掩着心口驚呼：「吓！係咩？我入面已經有件衫，救命呀！不過算啦，冇嘢睇，瘦咗都冇乜嘢睇喇！」落力為個唱綵排的她透露，輕了3公斤（約6.6磅），笑言連咪咪也縮了水，故演唱會的戰衣需要臨時改尺碼。

自爆上圍縮水

咪咪縮水，問到林宥嘉會否心痛？G.E.M.再掩胸嗌救命：「唔知呀！唔好問我！」提到藝人高皓正表示反對婚前性行為，同為基督徒的G.E.M.說：「有睇佢嘅言論，都支持婚後性行為，因為似婚後拆禮物咁，開心啲！」問她可曾試過婚前性行為？她即暗示仍保處子之身：「唔好再講呢啲，唔係啲網民又話我拋隻豬出嚟，總之我支持婚後先啦！」問她林宥嘉是否把持得住？她即大笑說：「點知佢，唔關我事！」又自爆經常拒絕對方：「我一定拒絕，仲成日拒絕添！」當自知又開口夾着脷時，她尷尬得頻呼救命。

不過，G.E.M.仍忍不住冧笑透露已邀請林宥嘉下月來港捧其演唱會場，但揚言不知道對方看哪一場，記者笑指林宥嘉「大支嘢」（意指巴閉）時，G.E.M.誤以為記者在問「邪嘢」，即o格o格訕笑說：「佢貴人善忘嘛！」

音樂組

自爆上圍縮水的G.E.M.，避談男友是否心痛。

G.E.M.親自為個唱戰車噴油。

對戀情「唔講又講」的G.E.M.，一提起林宥嘉經常忍不住陰陰笑。

林宥嘉（資料圖片）