陳慧琳驚老公「亂」搞囝囝

陳慧琳（Kelly）早前為新碟舉行音樂會，相隔四年再出廣東碟的Kelly，騷腿上陣又唱又跳，狀態大勇！對於粉絲期待她舉行紅館演唱會，Kelly卻希望推出國語碟後再開個唱，她笑說：「或者到我50歲先開，咁咪唔使跳舞囉！」問到今年重返樂壇可會再戰頒獎禮？她說：「咁難得抽咗身，又踩番入去！唔好搞咁多嘢，我要湊仔，睇電視支持得嘞！」Kelly又表示不會因工作而對照顧兩個兒子放軟手腳：「咁辛苦建立佢哋嘅生活模式，唔可以攪亂，交畀老公咪又係得個亂字。」

另外，提到有指唱片公司阻吳雨霏（Kary）公開與余文樂的戀情，Kelly說：「咁靚仔怕乜啫！應該好自豪添啦！」

High爆的Kelly不停舞動身體，狀甚投入！

即使已為兩子之母，Kelly仍沒有放棄歌唱事業。