羅嘉良拖大肚老婆掃BB用品

羅嘉良與第二任太太蘇岩的愛女將於下月誕生，前日下午4時嘉良拖着太太冒雨到中環行街，專攻嬰兒用品和家品，為迎接女兒出世作準備，兩人揀了大量裙仔和玩具，繼而連BB床及BB香水亦睇埋。當嘉良發現記者時即通知老婆，蘇岩搞鬼地扮怕醜，用手機遮樣，繼而匿在嘉良心口詐嬌，一時又取頸巾遮面。

雖然肚大如籮，蘇岩不減貪靚本色，一度拉老公陪她試高跟鞋。其後記者上前問到嘉良TVB有否傾回巢，他說：「有呀！不過六月底個期唔啱，要就太太生BB，太太一有咗已經停咗工，停咗8個月啦！之前最後工作喺內地拍微電影，仲攞埋獎添。」至於老拍檔蔡少芬再添女兒，嘉良在電話中說：「恭喜佢，佢兩個女都好旺，老公接咗套好戲，老婆套電視劇又大收，恭喜佢哋之餘仲要祝佢哋繼續努力，愈生愈旺。」

嘉良發現記者，第一時間告訴蘇岩。

嘉良與蘇岩一起掃貨，細心挑選BB衫。

蘇岩以頸巾遮面，相當搞笑。