趙式芝一句「My Wife」氹Sean笑番
2012/10/13
趙式芝（Gigi）自與波爾錶太子女楊如芯（Sean）公開婚訊後，一直被父親趙世曾否認兼以5億招婿，趙世曾與Sean之間一直存在分歧，為表對Sean真心，趙式芝正式表態，昨在facebook發表愛的宣言「call her my wife」以「妻子」稱呼Sean，揚言要轟轟烈烈了結事件，為博「紅顏」一笑。
上月中，趙式芝公開與Sean的婚訊後，一直遭父親趙世曾拒絕承認關係，並用5億來招婿，事件不只被國際傳媒報道，更獲美國電影公司睇中，有意將故事改編為電影。
成為傳媒追訪對象的趙式芝，昨日終於在facebook表態，並向Sean留下愛的宣言：「生命中有個特別的人，她是吹動我船帆的風，你可以叫她做我的妻子。」她暗示Sean是她的「妻子」，又指當她歡笑時生命充滿色彩，大讚Sean是溫柔、可愛又直接的人，與複雜與充滿計算的香港人完全相反，現希望她可以重拾笑容，暗指Sean為最近的新聞而情緒低落。
在紛爭中長大
記者致電趙式芝，問到Sean的情緒是否受到困擾而留言給對方一個肯定？她說：「Sean同我父母間有矛盾，佢哋講唔識Sean，唔鍾意佢，件事搞到沒完沒了，我希望嚟個轟轟烈烈了斷！唔想件事再糾纏落去，想正面面對，見Sean唔開心，想以此支持佢。（My Wife是否指Sean？）如今唔使開名都知係邊個，唔怕講呢件事。」
夾在爹哋與「老婆」之間的趙式芝，希望兩方面都可以好好溝通，她說：「呢啲事唔係只發生喺我身上，好多父母都唔鍾意自己子女嘅另一半，唔好理佢乜性別，呢啲好普遍，唔係得我一個人發生呢啲事。」她又言父母怪責Sean公開婚訊，令Sean更受到傷害，目前只能等時間過：「依家冇直接方法可以解決，希望利用時間及溝通解決，但兩方面都唔想溝通，我只可盡我嘅責任，同我父母溝通，又同Sean溝通。（做夾心人係折磨？）我由細到大都喺紛爭中長大，我慣咗面對呢種事情，但Sean喺溫馨和諧中長大，佢屋企人好支持，所以遇到件事會傷害到佢，令佢好唔開心，我依家最擔心Sean嘅健康，因為情緒會影響健康。」
另一邊廂，Sean在電話中不願多談，她說：「我冇唔開心，冇嘢回應。（趙式芝話轟轟烈烈了斷事件？）咁我都轟轟烈烈多謝佢。」
趙式芝為讓Sean重拾笑容，不惜公開愛的宣言，決心了結事件。___________________________________________________________________
趙世曾向波叔供料拍五億招婿
2012/10/05
【on.cc 東方互動 專訊】 趙世曾女兒趙式芝（Gigi）與波爾錶太子楊如芯宣布同性結婚後，趙世曾堅決否認，還出五億元招婿，國際傳媒爭相報道，劇情比電影更富娛樂性，吸引派拉蒙電影公司注意，宣布要將事件改編成電影，由「波叔」沙查巴朗高漢擔任監製，還極有可能飾演趙世曾一角。
趙世曾得悉後表示十分樂意，揚言會提供資料作參考；而趙式芝笑言辛康納利擔任爹哋一角才合適，她的角色想由姬娜萊莉飾演。
趙世曾得悉後表示十分樂意，揚言會提供資料作參考；而趙式芝笑言辛康納利擔任爹哋一角才合適，她的角色想由姬娜萊莉飾演。
船王之後趙世曾情史風流
Gigi系出豪門，爺爺趙從衍為七十年代「四大船王」之一，與許愛周、董浩雲和包玉剛合稱四大船王，趙從衍更是當年的香港超級富豪。1983年華光集團遇債務危機，趙從衍要拍賣三百多件古董以套現三億港元來挽救業務。趙從衍育有四子一女，包括長子世彭、次子世儀、三子世曾（即Gigi的父親）、四子世光及五女世亮。
Gigi父親趙世曾於1980年自行創辦卓能（集團）有限公司並上市，現為公司主席兼執行董事，但其風流情史最為人津津樂道，他曾經歷三段廣為人知的感情，更聲稱女友逾千，他與姚煒相戀並生下Gigi後，姚煒就離開了趙世曾，其後他與女友盈盈（蔡珍妮）誕下兒子趙式浩，又與女友Terri Holladay於1992年舉行海陸空訂婚儀式但未有正式註冊，Terri 1994年誕下細仔趙式正，惟二人三年後分手。
------------------------------------------------------------------------------------------------------------
趙式浩祝福姊姊開心
2012/09/22
Gigi的同父異母弟弟趙式浩對於姊姊已婚一事，坦言聽聞身邊朋友講過，但沒有求證，因最近家姐甚忙成日飛，故沒有傾過，若然屬實會祝福她，他說：「Sean為人好好，同我都好熟。（贊唔贊成佢哋一齊？）點會唔贊成？家姐開心就得。（但係爹哋好似唔贊成佢哋一齊？）我唔知爹哋點諗，我哋喺佢面前好少講呢啲嘢。（爹哋比較盟塞？）唔係，佢好開通，佢可能唔清楚情況，我覺得每個人有自己想法，好似我咁，生咗仔都冇結婚，有自己抉擇。」姊弟感情一向好close，家姐亦很愛錫他。
趙式浩（右一）及趙式和（右三）都支持趙式芝的同性婚禮。
而Gigi的堂姊趙式和表示不知她們行禮，最近大家好少見面聯絡，惟式和認識Sean多年，大家通常在派對上碰到，雖不算熟落，但覺得對方很友善。式和支持Gigi的決定，認為對方開心就得，對於趙世曾似不大接受？她說：「都明白，始終上一代諗法同呢一代唔同。」
__________________________________________
趙式芝出櫃法國嫁太子女
2012/09/22
【林麗玉北京直擊】近年不少圈中人先後公開同志身份，紛紛「出櫃」，而富豪趙世曾女兒趙式芝（Gigi）與鐘錶太子女楊如芯（Sean）前晚在活動上高調自爆夫妻關係，還驚爆於4月4日在法國秘密結婚，成為首對自揭同志婚姻的名人，震驚Ball場。惜Gigi父親趙世曾與母親姚煒都不接受女兒的另一半是同性！
趙式芝（右）與楊如芯４月在法國秘密舉行同性婚禮，前晚兩人開心地高調公布婚事，更展示婚戒。
前晚趙式芝與Sean雙雙在北京出席波爾錶與寶馬汽車推出全新手錶酒會，兩人合照一改常態，表現親暱手握着手，問及是否想公開關係時？Sean自稱向來沒有隱瞞，二人光明正大，當再追問有否想過結婚？她即語出驚人說：「結咗啦，今年4月4日喺法國行教堂，初初都諗住畀個驚喜佢（Gigi），但諗諗吓如果佢say no點算，所以喺我生日時同佢講（求婚），當時家人、好朋友都在場見證。」
手戴婚戒甜蜜蜜
Sean承認有個浪漫婚禮，身為天主教徒的她選擇以天主教儀式行禮，全程在神父見證下進行：「行教堂，有影婚紗相，好好嘅朋友，兄弟姐妹都有參加，本來爹哋媽咪都去，但媽咪有病，行動不便，所以冇嚟。（對Gigi有乜愛的宣言？）日日都有愛的宣言。」現場所見，二人手上戴上婚戒，甜蜜之情不言而喻。
談到決定結婚的原因，Sean解釋二人已拍拖七年，笑言已屆七年之癢應有個新階段，給對方一個肯定，加上彼此真心相愛。問到公開是否不介意別人看法？Sean堅定的說不介意：「世界好open，依家乜年代，男同性戀或女同性戀都冇嘢，兩情相悅，真心相愛就得，一男一女嘅婚姻都會離婚。（婚後有咩感覺？）覺得真係變咗一家人，好似今次北京活動，佢遲我一日嚟，因為我爹哋生日，佢代表我同爹哋慶祝。」
「被呃咗上賊船」
受訪期間Gigi一直站在Sean旁邊，沒有發言，儼如背後的小女人，問到Sean如何打動她？Gigi甜笑說：「佢都冇畀我選擇，呃我上機，我就咁上咗賊船。（心情點？）好開心。」不過，她坦承父母不願意她公開，為尊重他們，她亦不想多談：「我自己冇乜所謂，反而爹哋媽咪唔想我主動去講。（努力做好，得到父母祝福？）Sean爹哋媽咪好錫我，家人好融洽，好榮幸得到佢哋照顧，成為佢哋一分子，感受佢哋對仔女嘅愛，真係好偉大。」Gigi說要給時間香港人去接受，因為香港人比內地人更保守，又指儒家思想以孝為先，故想尊重父母。
______________________________________________________________________________
趙世曾不接受女兒結婚：冇咁0既事！
[23:13] 2012/09/21
【on.cc 東方互動 專訊】 對於趙式芝與同性蜜友楊如芯宣布早在四月已結婚之事，父親趙世曾接受電話訪問時表現驚訝，同時並不肯接受事實，多次反覆說：「冇咁0既事，你搞錯啦！」他又說不知道女兒與Sean拍拖，亦未見過Sean：「突然結婚？冇可能，佢冇帶畀我睇過，唔知佢（Sean）係邊個。（你會尊重女兒的決定？）冇人同我講過，完全唔知，係你哋搞錯。」
沒有留言:
張貼留言