阿莊：政治市 忍手為上

阿莊：政治市 忍手為上 【00:01】2012年09月24日
【on.cc專訊】太陽財經「股海實戰」專欄作者阿莊：唔經唔覺又快到「大閘蟹」上市月，股海會否再起風雲，要端視十八大行情、中央的維穩力度、以及美國大選前國際局勢變化。抱住戰戰兢兢的心態，小注怡情，並無不可，但政治市出海當小心風浪，最好等埋11月美國大選明朗先至好有大動作。 事實上，從來政治市都難玩，相信美國總統大選前，陸續有外來勢力找祖國麻煩，上大人戒急用忍，等美國政局底定，呢位醒目債仔自然識得點樣尊重大債主！除國際形勢之外，十八大前A股表現亦左右後市，上周洛鉬(03993)發A股融資規模被大削八成，聽聞就係中證監連夜撲火之下的決定，來緊第四季A股解禁流通市值達五千億人仔，中央托市係咪有心有力？經已連蝕三個季度的基金同散戶年尾有冇得標尾會？呢個10十月魚缸表現頗為關鍵！