汪詩詩對於妹妹汪圓圓結婚大表支持，大讚二人是「完美配對」，送上祝福，她說：「其實我真係未識過咁襯嘅一對，佢哋唔單止外表襯，仲有好多嘢都好襯，例如性格、脾氣、諗法等等，簡直係完美！（你同老公甄子丹都好襯？）其實我同子丹唔係好襯o架咋！」
問到會送甚麼給妹妹做結婚禮物？詩詩笑說：「送我嘅Service啦！幫佢哋招呼客人，講笑啫！其實佢哋都冇乜嘢要！（覺得妹妹太快結婚？）佢哋都拍拖兩年，籌備得嚟都差唔多，都唔係好快，我覺得係好正常，一步一步嚟，我自己拍拖兩個星期就訂婚，仲快啦！仲好危險添！」據知，圓圓的表妹湛琪清將會擔任婚禮的姊妹。
妹妹圓圓嫁入豪門，汪詩詩與甄子丹當然喜上眉梢！
湛琪清
沒有留言:
張貼留言