65歲的葉德嫻預告封咪

65歲的葉德嫻（Deanie）在演唱會上預告「封咪」，並在告別作上盡騷Quali，先晒唱功，再騷舞技。她更發揮影后本色，換上老妝、戴白色假髮扮演法國經典歌后，結果激似「法國版桃姐」！

葉德嫻前晚為一連三場的《葉德嫻SING FOR ME 2013演唱會》揭開序幕，吸引黃耀明、林保怡和無綫高層樂易玲等捧場。Deanie姐先穿金色開V套裝出場，出名準時的她下令「落閘」，待唱完兩首歌後，才讓遲來的粉絲進場。她亦自爆曾有遲到陋習：「你哋做咩遲到咁曳曳，我以前都好鍾意遲到，仲有個花名叫『葉例遲』，不過後尾都有改過。」

咒自己「行得」

Deanie姐在台上預告是次演唱會將是個人告別作，更屢次咒自己，百無禁忌：「因為年紀唔少，隨時都可以『行得』，所以我相信呢次演唱會係我個人嘅最後一次，大家要保重啦，講到好似遺言咁。」因此她傾盡全力，更大跳近五分鐘踢躂舞，期間雖然甩鞋帶，最後亦順利完成，更帶領全場齊跳「萬人踢躂舞」，掀起高潮。

情迷意大利仔

全晚多次談及政見、民生議題的Deanie姐，更被音樂總監倫永亮取笑似棟篤笑。過了多年單身生活的她無所不談，笑言最冧意大利男士：「意大利仔靚仔，又唔太高，好適合東方人。我有時一個人去意大利，不過唔係去溝仔呀！」惟尾聲時，Deanie姐抵不住腳痛而即場脫下高踭鞋，更看到雙腳貼滿膠布。為了扮演法國經典老歌后Edith Piaf，她換上老妝及戴上白色假髮，刻意扮腳震震步上台階，再獻唱其經典名曲，結果激似「桃姐」！

音樂組

葉德嫻破格大跳踢躂舞，跳到興起時卻亂了拍子。

倫永亮取笑葉德嫻的個唱似足棟篤笑。

小朋友拉小提琴，葉德嫻踎低細心聆聽。

葉德嫻戲癮大發「桃姐」上身，又戴白色假髮扮老歌后唱歌。

葉德嫻「訓示」遲到的粉絲要準時入場。