參演陳木勝執導寰宇電影《掃毒》的古天樂、張家輝、劉青雲、盧惠光、林國斌和吳廷燁，前晚在泰國拍攝古仔被盧惠光和林國斌揸車追殺的場面，一行人來到距離曼谷市約四十分鐘車程的一幢爛尾「危樓」。古仔在荒廢危樓的十樓凌空被吊高，家輝和青雲則上前營救。腳部曾斷韌帶、兼拍《逃出生天》時傷手的古天樂，仍堅持親身上陣，凌空被吊高長達近八小時，相當賣命！除此之外，他還拍攝被車輛高速攔腰撞並往後推，以及危站在十樓高的高台上等危險場面，更被車撞至左手擦傷流血，現場劇組一早安排的醫護人員立即上前治理。為了安全起見，電影公司安排了一套相當緊身的威吔衣給古仔穿上。現場所見，古仔拍攝時相當辛苦，甚至連呼吸也出現困難！
投保逾千萬
不過，古仔揚言這不算是從影以來最危險的一場戲，過往《保持通話》的一場山坡戲，以及《寶貝計劃》在摩天輪上的救BB戲更為危險：「今次最高難度係件威吔衣好緊身！」看到古仔如此賣命，家輝不禁說：「乜幾廿歲搵啲咁嘅嘢嚟搞呀？」但早前手指尾受傷的他亦拚命拍攝冒死救古仔的場面，他說：「拍完呢部戲我點都要接受手指手術，因為依家都仲未伸得直！」電影監製林小強對於演員落力演出均讚不絕口，所以不時起用他們合作。據知，電影公司已為各藝人購買了逾千萬元的保險。
據知，拍攝地點的「危樓」曾經發生約九宗命案和自殺案。拍攝前各人上十六支香保平安。家輝提醒大家不要亂走，工作人員亦叮囑各人不要亂說話，亦不要隨處便溺。
「點會唔擔心」
《掃》片不乏驚險場面，家輝老婆關詠荷表示不知老公是否有危險戲份，因為家輝不想她擔心，故不會告訴她：「自從上次佢整斷咗手指尾之後就更加唔想畀我知！（向佢身邊人打聽？）唔會喇，佢拍咗咁多年動作戲，識照顧自己！（擔心佢整親舊患？）都驚o架！點會唔擔心？佢隻手指尾仲未駁番，係帶傷上陣！（叫佢接少啲動作戲？）會叮囑佢注意安全，不過大家都係演員，好明白，唔會左右佢決定，佢自己識衡量，最緊要係知道要向老婆同個女交代！」
埋位前，古仔企埋一邊預備入戲，順便騷麒麟臂。
腳揈揈 ：古仔凌空吊到十層樓高，由手指尾傷患仲未好番嘅家輝負責營救，睇見都腳軟！
拍攝現場曾發生多宗命案，家輝上香求個安心。
爛手：擦傷手都仲笑笑口，邊個夠古仔專業吖！
古仔拍攝撞車戲，更被攔腰撞到飛起！
車撞
沒有留言:
張貼留言