安志杰暗示有「小三」

謝婷婷與安志杰相戀四年，無奈還是分手收場，並傳出多個分手版本，有指婷婷不滿男方不思進取，但亦有傳是婷婷另結新歡，近日還跟新歡到菲律賓度假。安志杰昨晚首度開腔回應分手，並以「唔想講」暗示婷婷有第三者，而婷婷亦說：「多謝關心，冇回應。」

消瘦了不少的安志杰孤伶伶出席活動。

婷婷不欲多講感情事，表示「多謝關心。」（資料圖片）

安志杰忍不住拿紙巾抹汗。

安志杰在鄰近的屋苑閒逛一會後才走秘道返「龍」屋。

安志杰落車後並沒有即時返伍允龍寓所。

《好報》上周踢爆婷婷與安志杰分手。

謝婷婷與安志杰（Andy）相戀四年，人前人後均相當恩愛，但近月卻屢傳情變，上周《好報》獨家披露謝婷婷與安志杰四年情玩完，其後Andy經理人親證二人分手。有傳他倆感情轉淡的原因是婷婷嫌棄Andy做「Hea杰」，覺得他掛住打機不思進取，最終吵大鑊分手！據說婷婷另有圈外新歡，近日還雙雙到菲律賓度假！

強顏歡笑

Andy昨晚出席活動，並首度開腔回應，他受訪時神色凝重，並多次強顏歡笑，問到心情如何？他強擠笑容說：「OK，thank you。（同婷婷仲有聯絡？）已經好耐冇。（美國）返嚟之後都冇見。（為乜分手？）呢啲嘢唔講，之前經理人已經發表咗。」問到是否有第三者？他則不置可否地說：「唔想講。（因為你推咗《一代宗師》，婷婷覺得你唔上進搞到分手？）唔係咁，嗰時我拍緊《逆戰》，我都想拍王導演嘅戲。（有共識分開？）係囉，分開咗。（仲係好朋友？）仲係朋友。」

緣分已盡

談到二人已取消關注彼此的Instagram，Andy說：「係！因為唔想見到啲Sad（傷心）嘢！（可惜？）有啲可惜。」問會否挽救這段情？他轉用普通話說：「緣分已盡。（之前仲諗結婚喎！）有點可惜。」未知是否過於緊張，Andy熱得滿頭大汗，還忍不住抹汗。問到跟婷婷分手後，有否影響跟好友謝霆鋒的關係？他冇厘神氣地說：「唔會。（霆鋒講乜？）冇，佢冇表示意見。（同婷婷幾時分開？）已經過咗去，唔想講。（返美國前？）算係。」他承認喜歡打機，但否認是分手原因。

再追問是否有第三者？Andy先搖搖頭，但意有所指地說：「我諗冇。（點解唔嘗試挽救？）我工作好忙，緣分盡咗。（復合）唔知。（努力緊？）努力工作。（拉姑當你係仔，覺得對唔住佢？）有很多事都對不起。」事後記者致電婷婷，她只拋下一句：「多謝關心，冇回應。」

名人組