錢國偉 : 腩製港版Psy惡搞《江南Style》

錢國偉 : 腩製港版Psy惡搞《江南Style》

13/10/12

韓國肥佬歌手Psy的《江南Style》紅遍全球，古巨基及鄭伊健為圓導演好友錢國偉幕前夢，叫他粉墨登場扮演「港版Psy」，穿梭港九新界坐電車、搭港鐵、到馬會買彩票等惡搞一番，加上錢國偉與Psy同樣圓碌碌及有個大肚腩，效果勁似熱爆網。

Psy的《江南Style》截至昨日已達逾4億點擊率，其「騎馬舞」亦成為個人招牌舞姿，世界各地倣效者眾。古巨基及鄭伊健在一次吹水中忽發奇想，找來錢國偉扮「港版Psy」，三兄弟齊齊做導演拍成《HongKong Style》，並加入坐電車、搭港鐵、到馬會買彩票、執膠粒等香港元素。由於三人在圈中人緣甚好，曾志偉、賈曉晨（JJ）、錢嘉樂、林曉峰等友情客串，卡士強勁。加上錢國偉無論樣貌及身形與Psy極為相似，故其舞姿雖然生硬，前日片段上載YouTube仍好評如潮。

錢國偉挺着大肚腩與賈曉晨比併舞技，效果爆笑。

拍膊頭友情演出

基仔昨日接受電話訪問時講述創作緣起，他說：「有次同伊健做gym，見電視播Psy，覺得同錢國偉好似樣，我哋吹水話搵肥仔（錢國偉）扮佢，拍條二次創作。伊健話：『肥仔入行係想做幕前，依家圓佢明星夢。』跟住我哋捉咗肥仔開會，起初純粹為好玩，冇budget，點知愈拍愈有要求，多謝志偉、林曉峰、排舞師、機器、燈光、效果手足，拍膊頭友情相助，我哋好少錢拍咋，出嚟好似大製作咁，成件事由吹水到完成，只係兩個星期嘅事。真係感謝所有人陪我哋一齊癲，萬二分感謝！」

錢國偉出名多「囡囡」，一聲令下拍MV，眾女即乖乖到場跳騎馬舞。	為MV做導演的基仔（左）與伊健拍攝ＭＶ時指手畫腳，非常認真。	HK Style Vs 江南Style：曾志偉 原裝電梯瞓地戲由原版韓國諧星盧洪哲演出，港版則由影帝曾志偉及鄭伊健扭身扭勢扮演，卡士非常強勁。

基仔更大爆錢國偉在片場被「炳」，他說：「肥仔平時喺片場鬧得人多，今次被我同伊健鬧餐死！佢舞又唔好，演戲經驗又少，應該專心做好演員嗰份，點知又走去理其他嘢，忟到我同伊健『炳』佢！佢都有今日，依家個個睇完都話搞笑！（你同伊健出鏡咁少？）我哋本來冇諗住出鏡，係肥仔叫我哋出鏡撐佢，我條腰有舊患，今次係冒危險去跳。」

鄭伊健	錢嘉樂Vs韓國小孩 Psy在沙灘曬太陽時，有小孩陪舞。而香港版「突變」成大隻成人的錢嘉樂，模仿小孩七情上面的演繹非常搞笑。	林曉峰Vs劉在石 韓版有「黃衫仔」名嘴主持劉在石與Psy鬥舞，香港版則有林曉峰，雖然林曉峰跳得比較生硬，但招積表情絕不遜色。

否認賀伊健結婚

扮「港版Psy」入型入格的錢國偉則說：「今次其實係我幫古巨基、鄭伊健完成導演夢就真，我順手過吓歌星癮。（基仔話你舞姿生硬？）我冇乜排舞，張就吓，玩gimmick啫！好多朋友分文不收，友情客串。志偉犧牲打golf時間，JJ就拍咗兩日，錢嘉樂忙緊搞婚禮都嚟幫手。（會為慈善現場表演騎馬舞？）我擔心記唔到舞步，考慮吓。（傳條片係賀伊健結婚？）梗係唔係！要賀都賀錢嘉樂先。」

__________________________________________

伊健基仔圓錢國偉幕前心願 聯合執導惡搞《江南Style》

12/10/12

【明報專訊】韓國歌手PSY《江南Style》MV在YouTube點擊率已逾4.3億，瘋魔全球，PSY將於下月殺到香港。

《江南Style》Hit到埋身，鄭伊健、古巨基與導演錢國偉以幾千元土炮製造《Hong Kong Style》，昨日在網上瘋傳。主角是幕後跳到幕前的錢國偉，三人聯合執導，參演者還有曾志偉、錢嘉樂、賈曉晨（JJ）及一眾「天使兵團」，被稱為「豪華版的二次創作」。

古巨基在微博公告《Hong Kong Style！》登場，肥仔導演錢國偉模仿PSY跳舞，出動老友義拍4分鐘MV。基仔在微博解釋這個MV製作，是因為他與伊健知道好友錢國偉當年入行夢想是幕前演出，故決定為他達成心願。

錢嘉樂扮細路 馬房變投注站慳成本

MV認真拍攝多個搞笑場面，錢國偉與PSY的外形有七分相似，皆是肥嘟嘟。開場的沙灘場景，原裝是小男孩表演舞藝，《Hong Kong Style》變成錢嘉樂跳舞，令人笑到噴飯。PSY在馬房跳騎馬舞的場景，因成本關係，變成投注站外拍攝，但一樣跳得勁。

賈曉晨扮金泫雅

韓國組合4minute成員金泫雅在列車中起舞，變成JJ在港鐵內風騷曬腿跳舞，令人流鼻血。至於停車場鬥舞一幕，韓版是遊戲節目《Running Man》主持劉在石，港版變成林曉峰。電梯一幕是MV亮點，曾志偉、伊健與基仔親身上陣「un住跳舞」，非常爆笑。網民笑稱伊健原來也「賤得起」，令人驚喜萬分。

成本僅數千 兩日拍竣

錢國偉笑言被整蠱，事實上，這是基仔與伊健恨過導演癮，故要他演跳舞歌手。「近來香港發生很多不開心事，我們閒聊時想給大家正能量，笑笑開心，故即時決定拍這MV。」主要導演是伊健與基仔，錢國偉點名錢嘉樂施展舞技，因他除了打得，也一樣跳得。MV以兩日時間拍竣，由於幕前幕後皆是義務性質，故成本只是數千元；而他們在港鐵內「快閃」拍攝，幾分鐘便完成。

有網民嫌錢國偉跳得不夠PSY有彈力，他笑說：「我只有十數分鐘排舞！」問他會否有第2輯推出？他表示拍攝很辛苦，終於感受到演員被導演罵的感覺，「伊健和基仔會開口鬧我，他們考慮推出製作特輯」。

網民對MV反應不俗，不過有人認為應改為中文歌詞；有網民讚JJ很風騷，但亦有人嫌她的舞姿難與韓版的金泫雅相比，還說JJ與樊少皇拍拖後，跳舞時似乎馬步很穩呢！