情場上4類「危險」WHATSAPP !

WhatsApp實在太快太方便，聰明嘅女生都好清楚有「玩家」最鍾意利用呢個特點出嚟「搵食」，但點解收到唔負責任、輕佻、隨便和hea嘅短訊時，我哋又會唔小心中招？所以以下幾種WhatsApp，女生都應該要好好防備：

臨時約會：夜晚7點半send嚟問「一齊食飯好嗎？」、半夜發出「我好想見你，可唔可以上嚟你屋企？」呢類搵飯伴和性伴的短訊，應該ignore。

EX的約會：「頭先撞到你，靚咗喎，不如約出嚟？」、「好耐無見，宜家得閒嗎？」先唔好講佢真正嘅動機，就算係朋友見面都要預約，所以唔應該理佢。如果佢真係有誠意，應該打電話俾你，而唔係WhatsApp你就算。

博大霧：「Hi 靚女，得閒一齊飲杯嘢？」係好多漁翁撒網的賤男最愛的mass message，小心小心。

放飛機：「Sorry，臨時要開會/OT，改聽晚食飯OK？」唔好即刻應承。就算佢提早取消約會，都好應該打電話講聲，而唔係一個message打發咗你就算。既然佢都唔重視你，你都無必要重視佢。