細細粒忘詞歌星夢碎

(綜合報道)(星島日報報道)無 新節目《星夢傳奇》昨日繼續進行試音，樂瞳、莊思明、張嘉兒、張慧雯及「細細粒」陳嘉佳（小寶）等都有參與，她們都表示有一定信心入圍，唯獨細細粒說：「我的歌星夢已經玩完，我唱到一半唔記得歌詞，都係專心拍劇啦！」

　　此外，莊思明選唱《新不了情》，並表示讀書時學過唱歌，她透露：「其實8年前我做過許志安同許冠傑演唱會嘉賓，當時我讀緊書，不是在香港做嘉賓，而係去美加。」張嘉兒亦大讚莊思明唱功了得。問到張嘉兒可有向鄧健泓請教？她說：「佢都唔知道，我好遲先決定參賽，其實我 唔係拍拖，只係朋友。」

　　另外，張慧雯表示《星夢》是她惹上官非還清白後首個自薦的工作，唱歌老師便是其父張濟平，她說：「我爸爸同哥哥張國榮同期參加邵氏的歌唱比賽。」問到心情如何？她說：「心情收拾晒，經一事長一智，唔單只要帶眼識人，仲要帶眼識車。」文、圖：駱震寧

　　■（左起）樂瞳、細細粒、張慧雯、張嘉兒及莊思明為《星夢傳奇》試音。