賭王何鴻燊三房千金超雲舊愛王大業前晚出席《2013年愛彼女皇盃慶祝派對》，提到有傳「山雲」舊情復熾，他「嗯」了一聲後說：「冇乜聯絡。不如等佢返嚟，你哋自己問佢。」問到超雲與他拍拖時，可有向他發脾氣？他說：「拍拖實有嗌交，冇就呃你嘅！」有傳早前超雲與山聰因生意錢銀問題爭執，她慘被男友爆粗對待，Andy說：「講粗口本身冇風度。」記者假設超雲與山聰結婚，他即說：「唔好如果，係先算，我會祝福朋友！」此外，他透露有收藏名錶的習慣，問到可有收過女友送的手錶？他說：「從來都冇，太貴重，唔會收。」
同場的息影女神鍾楚紅（紅姑）穿低胸晚裝裙、戴上價值615,000港元的愛彼錶，高貴迷人！問到早前揚言拒絕在電影中飾演余文樂母親的紅姑，會否願意飾演樂仔情人，她笑說：「唔敢當！（有冇留意樂仔？）梗係有。」
紅姑考慮再戰影壇
至於可會復出與老拍檔周潤發拍戲？她表示需要時間考慮，還笑言發哥同樣要時間考慮。問到是否怕辛苦？她說：「拍得鍾意就唔怕辛苦，電影總括畀我嘅回憶係好嘅！」她又大讚今屆電影金像獎令她十分感動：「香港電影業好似好番！依家係要由新一代嘅演員同導演帶番旺。（有意自資或做幕後執導？）冇咁偉大，冇咁嘅能力。」她大讚電影圈有很多可造之材，問到有否藝人向她請教演戲心得？她謙虛地說：「好耐冇拍戲，冇資格指導人。」並指如有正能量或以環保為題材的電影，她會考慮復出。
王大業
王大業與超雲再見亦是朋友，如「山雲」結婚會送上祝福。
鍾楚紅
紅姑性感迷人，愛彼錶亞洲董事總經理Oliviero Bottinelli不禁親吻其玉手。
楊洛婷淺露事業線，夠晒醒神。
甘國亮與陳潔儀悉心打扮出席派對。
陳潔儀
沒有留言:
張貼留言