心理測驗：他是你的優質情人嗎？

每位女生都想伴侶係自己能夠付託終生嘅人，想佢方方面面都係No. 1，到底身邊嘅佢適唔適合你呢？做咗以下呢個測驗，或者你會搵到答案。

1.有一日，你嘅Prince Charming騎住白馬向你求婚，你希望佢手上面拎住啲咩？
A.  一束又大又靚嘅玫瑰花 -> 前往第3題
B.  10卡大鑽戒 -> 前往第2題

2.  你認為舉行婚禮最理想嘅地點應該喺邊？
A.  浪漫嘅西式教堂 -> 前往第4題
B.  中式色彩濃厚嘅大廳 -> 前往第5題

3.  你哋出街約會時，佢會唔會幫你拎手袋？
A.  會 -> 前往第6題
B.  不會 -> 前往第7題

4. 你同佢出街時，見到有個小乞丐，佢會點做？
A.  拿散紙出嚟俾佢 -> 前往第8題
B.  同你講而家騙子實在太多，勸你唔好俾錢佢 -> 前往第9題

5.  佢瞓嘅時候係點？
A.  有時會打鼻鼾，發開口夢，瞓得唔係咁好 -> 前往第6題
B.  好安靜，唔會有咩特別嘅壞習慣 -> 前往第11題

6.  你同朋友玩得夜咗，佢會有咩反應？
A.  不時打電話俾你，問你幾時返 -> 前往第12題
B.  對你好放心，好少過問 -> 前往第13題

7.  同佢去旅行，你感到十分之疲累，你不停抱怨佢唔幫你孭背囊，佢會點？
A.  唔理你，因為已經習慣咗你嘅抱怨 -> 前往第14題
B.  一臉不高興，同你鬧起交上來 -> 前往第15題

8.  你哋走過街角之後，發現小乞丐將錢交俾一個睇起上嚟好惡嘅男人，佢會有咩反應？
A.  好沮喪，好似受咗好大打擊 -> 前往第16題
B.  覺得無所謂，如果小乞丐唔交錢，挨打下場仲慘 -> 前往第17題

9.  佢鍾意玩online game嗎？
A.  鍾意 -> 前往第18題
B.  唔鍾意 -> 前往第3題

10.  而家樓價高，你哋唔夠錢買樓，佢會點做？
A.  選擇租屋 -> 佢係TYPE D
B.  問銀行借錢 -> 佢係TYPE C

11.  你媽媽唔太鍾意呢位女婿，佢會點做？
A.  投其所好，經常討好你媽媽 -> 前往第10題
B.  佢唔太識討好人，所以會避免上你屋企 -> 前往第12題

12.  喺你朋友眼中，佢係一個點嘅人？
A.  對人好友善，容易相處 -> 佢係TYPE B
B.  有啲距離感，唔係好熟 -> 佢係TYPE A

13. 你飲到醉晒咁返屋企，無沖涼就上床瞓，佢有咩反應？
A.  強拉你去沖涼，如果唔係唔使旨意有得瞓 -> 前往第19題
B.  隻眼開隻眼閉，俾你瞓 -> 前往第20題

14.  佢同自己父母嘅關係如何？
A.  無話不談，好似朋友一樣 -> 佢係TYPE D
B.  有啲距離，平時各自各忙，互不干涉 -> 佢係TYPE A

15.  佢嘅身體狀況如何？
A.  好健康 -> 前往第12題
B.  普通，有時會病吓 -> 前往第16題

16.  佢有無藝術嗜好，例如彈吉他、畫畫、寫作？
A.  有 -> 佢係TYPE D
B.  無 -> 佢係TYPE C

17.  你覺得以佢嘅性格，以下邊一種職業比適合佢？
A.  老師 -> 佢係TYPE B
B.  外交官 -> 佢係TYPE C

18.  每一個人心中都有一個完美戀人形象，佢心目中嘅女神係點？
A.  天真可愛型 -> 佢係TYPE A
B.  理性直率型 -> 佢係TYPE C

19.  佢喺街邊買嘢時，會唔會同人講價？
A.  會 -> 佢係TYPE C
B.  唔會 -> 佢係TYPE B

20.  人無完美，佢有無曾經講笑，又或者認真叫過你去整容？
A.  無 -> 佢係TYPE D
B.  有 -> 佢係TYPE A

分析他在愛情中的個性：

TYPE A ：

佢具有獨立、積極嘅性格，係一個比較man嘅人，所以當你哋相處時，多數嘅主導權會喺佢手中。佢呢種強勢嘅風格，亦正正係吸引你之處。由於佢有好強烈嘅情感，所以當佢愛你嘅時候，會想一世都同你一齊，千方百計地討你歡心，絕對唔允許你有出軌嘅想法或舉動；當佢唔愛你時，你點挽回都無用。佢呢種敢愛敢恨嘅性格，有時係會令人難以完全承受。

愛情忠告：如果你真係好愛佢，想永遠同佢一齊，咁就要妥協遷就一下，唔好計較咁多；如果愛得不深，就要考慮你喺呢場戀愛中付出嘅代價值唔值得喇。

TYPE B：

佢有一顆細膩柔軟嘅心，心地非常善良，但有時候，善良唔一定完全係好事，特別係當佢處理同異性之間嘅關係時，呢個缺點就更加明顯。因為佢唔想傷害任何一個人，但最後卻因此而傷害每一個人，特別係你。佢心思比較敏感，同佢相處時要好似照顧小朋友咁，細心呵護。因為佢唔會完全講出自己嘅想法，所以你要不停估佢嘅喜好同脾氣。

愛情忠告：呢種類型嘅男人唔太適合性格率直嘅女人，所以要軟硬兼施。

TYPE C：

佢係一個好四平八穩嘅人，做任何事都唔會過分激進。喺愛情世界亦都一樣，佢有傳統嘅愛情觀念，希望能同自己嘅戀人相伴一生，所以會好認真地去經營愛情，一旦覺得時機成熟，就會自然步入婚姻階段。不過佢缺少浪漫嘅性格，所以唔太識得去營造有情趣嘅生活，同佢呢種人一齊，就要忍受平凡單調嘅生活，但亦可因此而安定下來。

愛情忠告：佢會俾到你安全感，同樣佢亦十分需要安全感，千萬唔好輕易破壞彼此心中嘅平衡。

TYPE D：

佢好鍾意旅遊，但就唔鍾意去參觀名勝古蹟，反而鍾意到一啲比較僻靜嘅地方到處閒逛。佢係一個崇尚自由嘅人，即使係對住自己鍾意嘅人，心入面都會保留一片空間俾自己。佢有自己一套嘅價值觀，呢個觀念既唔會同當下嘅社會格格不入，但又唔會完全相同。因此，佢總係游離於理想同現實之間，由於佢嘅理想無法實現，有時會表現憂鬱，令佢睇起來有啲神秘，呢個亦係佢吸引異性之處。佢對愛情亦充滿各種想像，經常有一啲浪漫嘅舉動，所以好容易獲得女人嘅芳心。

愛情忠告：佢似乎係一個「天生嘅孤獨者」，所以唔好令佢感到窒息，留返適當嘅空間同距離，你哋嘅感情會走得更長遠。