2013星座運勢 : 處女座

2013運勢：本來喜歡低調樸素嘅你，今年都要學習高調一點，上半年喺事業上可以充分地表現自己嘅才能，甚至有升職嘅機會。而到咗下本年，在公在私，都會有唔少應酬聚會，從中會認識到各式各樣嘅朋友，擴闊自己的人脈。學習方面，如果你想考取一啲專業資格，今年都可以實行。

總幸運顏色 : 白色
愛情運顏色 : 米色
事業運顏色 : 黃色
金錢運顏色 : 綠色
健康運顏色 : 湖水藍

幸運物 : 星星鏈墜──鍾意低調嘅你，對於今年要成日同唔同人打交道，可能會覺得怕醜又或者無咩信心。戴住星星鏈墜，令你感到自己都可以發亮，加強自信。

最夾男生星座 : 雙魚座──雖然佢有時野心不足，亦有好多幻想，無你咁實際，但就係佢嘅隨意、唔計較，有時俾到啲浪漫驚喜你，等你可以感到放鬆。
最唔夾男生星座 : 人馬座──你鍾意凡事有規劃，但佢最驚受到咁樣嘅束縛，而且唔喜歡同你交帶解釋咁多。而佢亦會覺得你只關心細眉細眼嘅東西，欠缺遠見。

最夾朋友星座 : 山羊/金牛座──同是土象星座，大家都踏實又有計劃，當你遇上問題時，佢哋總係可以提供實際嘅意見，對你有幫助。
最唔夾朋友星座 : 雙子座──你處事好認真，就算平日約吓食飯睇戲都會準時、講效率，但雙子有時候無交帶、失約、隨便講吓就算的態度，會激死你。