圓圓被叫「蔡太」面紅

「宇宙最強」甄子丹昨日出席童軍活動，妻兒前來支持，他笑言工作之餘亦可享天倫之樂，具雙重意義。談到早前太太汪詩詩撇下他帶子女外遊，子丹說：「少少Lonely（寂寞）！但太太成日Send相畀我，我亦有Send番喺片場啲辛苦相畀佢睇！」問到詩詩遊韓期間子女可有扭計掛念爸爸？她說：「返嚟先有！喺嗰邊冇，哈哈！」

另外，現場有途人見詩詩與圓圓後高呼：「甄子丹老婆隔籬係『未來蔡太』。」問到聽罷有何感受？圓圓面紅地說：「成熟得滯！（面紅晒！）搽多咗胭脂咋！」至於男友蔡加讚被問會否讓圓圓參加童軍？他笑說：「佢超齡喎！會叫佢參加織頸巾慈善活動！（有冇織畀你？）等緊。」

蔡加讚（左起）、汪圓圓、汪詩詩與甄子丹「全家」撐童軍。