終於等齊劇本 萬綺雯：踩盡油趕進度

王祖藍（左）與黃智賢飛住紙仔拍劇，又要日曬雨淋！

無綫劇集的「飛紙仔」情況最近成為熱話，《好報》昨日獨家踢爆正趕工的《食為奴》堪稱重災區，王祖藍、黃智賢與萬綺雯等亦直認飛紙仔情況存在，其中祖藍更要幫忙「執番順」！劇組於本月初移師橫店拍外景，談及飛紙仔情況是否嚴重，黃智賢以WhatsApp回覆：「已齊劇本了……終於。」並指拍攝雖受天雨影響，但應可如期於20日返港。而祖藍亦指劇本已齊，並與張繼聰異口同聲表示拍攝順利。至於萬綺雯則說：「台前幕後都踩盡油搏盡，冇計，要趕進度！其實我唔算辛苦，啲男仔辛苦好多，好多戲都圍繞佢哋。」

萬綺雯承認趕拍新劇，但不算太辛苦。