方平嫁女灑淚感動全場

資深電影人方平與影后太太鮑起靜前晚嫁女，不少圈中人到賀，兩杯酒落肚的方平上台講出心底話，豈料一踏上台已不禁灑淚，對沒有見證女兒出世表示愧疚：「個女出世後同太太工作都忙，到個女4歲先接返嚟，真係好自責，爸爸對你唔住！所以在座有小朋友嘅家長，好好珍惜子女成長過程，因為好珍貴！」薛凱琪（Fiona）和湯盈盈均感動得攞紙巾抹眼淚，方中信與爾冬陞亦眼濕濕，其後Fiona向方平遞上紙巾，他落台後又與鮑姐及女兒相擁，場面感人！而方中信亦上台「喊住講」，女兒迦晴中途衝上台攬住其腿不放，更催促他落台，惹笑非常。

方中信與方平（左）致詞時，迦晴衝上台攬住爸爸，Cute爆！

方平、鮑姐與女兒相擁，相當溫馨。

盈盈真情流露，甜蜜依偎樂樂。